AM BICKENDORFER BÜDCHE
Musik: Bläck Fööss
Text: Bläck Fööss
Verlag: Manuskript
Jahr: 2006


Refrain:
Am Bickendorfer Büdche,
do käuf dä Jupp sing Brütche
beim Lisbeth en enem Tütche,
dat hät e lecker Schnütche.
Un ovends dann am Büdche
verzällt hä usem Tütche
däm Lisbeth met däm Schnütche,
wie schön ihr Büdche wör.

1. Jeden Daach dräump dä Jupp dovun, dat et hück flupp,
denn dä Jupp es zick Johre schon jeck
op dat Lisbeth, dat steit, ob et ränt oder schneit
en dem Büdche bei im op d’r Eck.
Jedesmol, wenn hä arbeide jeit
hät dä Jupp jet, wodrop hä sich freut.
Un dann stellt hä sich vür: och wie schön dat doch wör,
köm dat Lisbeth hück ovend zo mir!

Refrain:
Am Bickendorfer Büdche…

Am Bickendorfer Büdche,
do käuf dä Jupp sing Brütche,
beim Lisbeth en enem Tütche,
dat hät e lecker Schnütche,
am Büdche dat Lis.

2. Jede Naach dräump dä Jupp vun ener Woosch un ner Zupp
vun nem Julasch met öntlich jet dren.
Suurbrode vum Päd, un vun Himmel un Ääd,
denn hä kann bal kein Brütche mih sin.
Wenn dat Lis dann em Draum vür im steit,
hä im endlich de Wohrheit ens sät:
Ob met Kies oder Fesch bes do he eijentlich
noch et leckerste Brütche für mich.

Refrain:
Am Bickendorfer Büdche…
© BLÄCK FÖÖSS