Text und Musik: Bläck Fööss
Ich ben schon jet länger do
Han vill jesin, en all dä Johr
Jo, ich fier‘ ming Stadt
Die weed ich niemols satt
Es wie ne jode ahle Fründ
Dä mer ald vun Kind an kennt
Met däm mer waaße deit
Dä eine ech versteiht
Ov schick oder ov schäl vum Rhing
So off han ich Dich anjesin
Jot sühste us
Refrain:
He es Kölle ze Hus
He es Kölle ze Hus
Do wo mir sin
Em Hätze dren
Jetz bes zom Schluss
He es Kölle ze Hus
He es Kölle ze Hus
An jedem Platz
Jedem Fleck
Op jeder Eck
En jedem Jeck
Es Kölle ze Hus
Et es nit alles Jold, wat jlänz
Ävver so wie mer dich kennt
Hätt alles singe Platz
Weil et zo dir pass
Uns Stadt, die laach un danz un singk
Wo Kölsch mer schwaad un Kölsch mer drink
Wä dat ens hät jedon
Kann nimmih widderston
Vum Fasteleer ne schöne Jroß
Dann es he dä Düvel loss
Alaaf met Tusch
Refrain
Zwesche uns, dat sag ich dir
Pass nit ens e Blatt Papier
Wie eins dat sin mir
Refrain