Musik: M.Helf, N.Gomez Teke, J.Rother
Text: M.Helf, N.Gomez Teke, J.Rother, Bläck Fööss
Verlag: Edition Strahlemann
Setz ich allein - am Bahnhoff, irjendwo
Maach ich en Reis durch ming Jedanke, Richtung Dom
Nie wor et leis - en dingem Schuß
E Leed vun Ostermann un ich föhl mich zohuss
Üvver „Dom un Rhing un Sunnesching“ han ich ald of jelaach
Wat iwich bliev, es wat ich jetz sach:
Du kriss mich us Kölle, ävver Kölle nit us mir
Dausende Erinnerunge, deil ich nur met dir
Met jedem jraue Fleck verbingk ich irgendjet
Vielleich krisste mich us Kölle, ävver Kölle nit us mir
Ston ich allein - am Airport, irjendwo
Denk ich, wie schön et es doheim, do wo ich wonn
Denn all die Lück, die wie Familich sin
Trecke mich einmillione Mol zo dir hin
Un kruffe ich unger de Ääd, wä weiß, vielleich han ich dat Jlöck
Et bliev e bessje mih wie nur Stöbb
Du kriss mich us Kölle, ävver Kölle nit us mir
Dausende Erinnerunge, deil ich nur met dir
Met jedem jraue Fleck verbingk ich irgendjet
Vielleich krisste mich us Kölle, ävver Kölle nit us mir
Un wenn ich eine Wünsch frei hätt
Dann bliev su wie de bes
Wenn och die janze Welt am durchdrihe es
Un jeder, dä em Düstere tapp
Dä holste dir zeröck
Du bes e Leech - ne Wäch un en Bröck
Du kriss mich us Kölle, ävver Kölle nit us mir
Dausende Erinnerunge deil ich nur met dir
Met jedem jraue Fleck verbingk ich irgendjet
Vielleich krisste mich us Kölle, ävver Kölle nit us mir
Vielleich krisste mich us Kölle, ävver Kölle nit us mir
Vielleich krisste mich us Kölle, ävver Kölle nit us mir