Musik: Bläck Fööss, H. Knipp, I. Lauten
Text: Bläck Fööss, H. Knipp, I. Lauten
Verlag: Manuskript
Jahr: 2010
1. Su alt mer weed, mir blieven Jecke.
Un mer luure jän zoröck.
Op dä Wääch, dä mir jejange.
Met `ner kleine Tron em Bleck.
Kölle es un bliev uns Heimat,
janz ejal wat och passeet.
Et hät noch immer joot jejange,
selvs wenn die Welt ens ungerjeit.
Refrain:
Mir han e Hätz für Kölle
uns ahle Stadt am Rhing.
Mir han e Hätz für Kölle
su weed et immer sin.
Bes du he nit jebore
dat es doch janit schlemm.
Wichtig es, wofür et schläät,
dat kleine rude Ding.
2. Wat jeit he af die letzte Johre,
wat han se bloß met uns jemaat?
Zo vill jefiert, zo vill verjesse,
un zo winnich nohjedaach.
Wenn mir uns jetz ens all besinne,
es et villeich noch nit zo spät.
Jo dann künne mir nur jewenne,
wenn jeder endlich jet dran deit.
Refrain:
Mir han e Hätz für Kölle…
C-Teil:
Mir han dir alles zo verdanke,
mir han su vill vun dir jeliert.
Ding Eijenart muss mer erhalde,
weil jeder söns vun uns
am Engk doch nur verliert.
Refrain:
Mir han e Hätz für Kölle…