Musik: Bläck Fööss
Text: Bläck Fööss
Verlag: De Bläck Fööss Musikverlag GmbH
Jahr: 1979
Refrain:
Schwemmbad, mer jon en et Schwemmbad
denn wenn et schön wärm es em Sommer,
do jeit mer en et Schwemmbad,
dat es einfach su.
Wo soll mer och hinjon?
Mer jon en et Schwemmbad.
1. Jo, wenn die Pänz endlich Hitzefrei han
un dä Iesmann weed jeck,
Weed flöck de Schwemmbotz,
en Deck un jet Jeld enjesteck.
Refrain:
Schwemmbad, mer jon en et Schwemmbad.
Öm drenne ze bade, do muß do druße eets wade,
dat es einfach su, e Dreiveedelstündche,
dann bes de em Schwemmbad.
2. Eesch luurste, es dinge Stammplatz noch frei?
Un sin se all widder do?
Dä Töller's Will klemp jrad üvver d'r Zung, alles klor.
Am Büdche stellste dich dann en de Schlang,
m‘r hät jo Kohldamp un Doosch
do jitt et lauwärme Cola un ieskahle Woosch.
Refrain:
Schwemmbad, mer jon en et Schwemmbad...
C-Teil:
Luur d‘r et Bettina an,
em Bikini,
dat dat dat drage kann!
Refrain:
Schwemmbad, mer jon en et Schwemmbad…
3. Un wenn de des Ovends dann heim wells,
do sökste di Fahrrad, dat es einfach su,
bei uns em Schwemmbad.
Nit nur em Schwemmbad.
Wo es bloß mi Fahrrad?
Dat stund doch vür'm Schwemmbad.
Wat maach ich bloß ohne Fahrrad?
Wie kumm ich morje en et Schwemmbad?
Ich klau mer einfach en Schwemmbotz.
Dat saach ich all minger Mama
un die sät dat dem Papa.